Other
AFK1502 WERKSOPDRAG 2 2021
- Institution
- University Of South Africa (Unisa)
WERKSOPDRAG VRAE EN ANTWOORDE
[Show more]
Content preview
SEMESTER 1WERKOPDRAG 02
(Skriftelik)
Inhandigingsdatum: 2 Junie 2021
Unieke nommer: 362373
INSTRUKSIES:
• Bestudeer die voorskrifte in paragraaf 8.5.1 van hierdie studiebrief ten opsigte van die tipografiese
en ander voorskrifte vir die beantwoording van ’n werkopdrag.
• Laat genoeg ruimte toe tussen vrae vir korreksies en kommentaar.
• Skandeer, tik of maak ’n fotostaat van die plagiaatverklaring en heg dit aan hierdie werkopdrag.
LET WEL: Die plagiaatverklaring mag nie apart ingestuur word nie.
VRAAG 1
Lees die onderstaande teks aandagtig deur en beantwoord dan die vrae wat daaroor gestel word:
1. Miskien het dit tyd geraak dat jy gaan sit en dink oor wat jy regtig uit die lewe wil hê. As jy soms
wonder waarom die lewe so saai en eentonig is, is dit moontlik omdat jy nie gereeld vir jouself
doelwitte stel nie; dat jy heel waarskynlik jouself nie toelaat om te droom nie. Dit is belangrik om
drome te hê. Dit maak nie saak hoe groot of hoe klein jou droom is nie. ’n Droom gee jou daardie
ekstra motivering om jou dag en jou verantwoordelikhede aan te pak. As dit by droom kom, kan jy
maar groot dink.
2. Dit is noodsaaklik om aksie te neem. Party mens onderdruk hul drome al so lank dat hulle lankal nie
meer droom nie. Ander mense gee weer soveel aandag aan hul dagdrome dat hul drome net
dagdromery bly. Dit is net mense wat tot aksie oorgaan wat daarin slaag om hul drome ’n
werklikheid te maak. Elke dag word in hierdie proses ’n geleentheid om jou nader aan jou ideale te
bring.
3. Jy sal moet tyd maak in jou dag om oor jou drome te dink en om dit selfs neer te skryf. Besluit
presies wat jou drome is en dink veral oor die drome wat jou passievol maak. Hierdie drome is meer
geneig om ’n werklikheid te word. Verander elke detail totdat jy tevrede met jou idees is.
4. As jy eers besluit het wat jou drome is, is dit tyd om te begin beplan. Deel elke droom in vyf
praktiese stappe op. Deel dan elk van die vyf stappe vir jou droom weer in vyf kleiner stappies op.
10
, AFK1502/001/3/2021
Jy behoort nou ’n lys van aksies te hê wat makliker bereikbaar en doenbaar is. Dit het tyd geraak
om daardie eerste stap van jou droom te neem. Registreer vir ’n kursus wat jy al lank uitstel, doen
aansoek vir ’n werk, maak daardie foonoproep of lees die boek wat jy al so lank terug gekoop het.
Dit kan regtig enigiets wees, maar jy moet die eerste stap na jou droom toe neem!
5. Onthou dat elke dag belangrik is. As jy ernstig is om jou drome en ideale te bereik, moet jy besef dat
elke dag ’n nuwe geleentheid is. Probeer om elke dag drie dinge te doen wat jou nader aan jou
droom sal bring. As hierdie aksies ’n prioriteit in jou lewe word, sal jy stadig maar seker al hoe nader
aan jou doelwitte en jou drome beweeg. Dit mag soms voel asof jou droom te groot of onbereikbaar
is. Herinner jouself dan net daaraan dat geen aksie slegs beteken dat daar geen verandering sal
wees nie.
6. Baie mense begin goed met die navolging van ’n doelwit net om weer fokus te verloor en die droom
te laat vaar. Dit gebeur gewoonlik as hul doelwitte nie duidelik genoeg uiteengesit is nie. Kyk ten
minste een keer per maand weer na die aksieplan om jou doelwit te bereik. Verfyn weer jou plan en
versamel artikels wat jou inspireer. Visualiseer ook hoe dit sal wees as jou droom uiteindelik
bewaarheid word. Dit alles sal jou hopelik help om gemotiveerd te bly.
7. Probeer jy dalk te veilig wees of dink jy te klein? Ons word gereeld deur ons familie, vriende en die
samelewing gekondisioneer om ons drome realisties te hou. Onthou net dat as jy klein drome
droom, sal jy uiteindelik ook net klein doelwitte bereik. As jy egter groot droom en jy bereik selfs net
die helfte van daardie doelwitte, het jy steeds veel meer bereik as wanneer jy jouself sou beperk het.
8. Maak jouself gereed. Versamel soveel moontlik inligting oor jou droom. Dit kan jou moontlik help om
jou doelwitte om jou droom te bereik beter te verstaan. Lees meer daaroor op die internet, tree met
mense in verbinding wat dieselfde belangstellings of drome het en vind uit of daar toepaslike
organisasies is waaraan jy kan behoort. Droom en droom groot!
VRAAG 1
1.1 Verskaf ’n elementêre bouplan vir bostaande teks. (8)
1.2 Skryf nou ’n kort samevatting van die teks. Die lengte moet ongeveer 150 - 170 woorde wees.
Die oorspronklike teks het altesaam 659 woorde. (10)
1.3 Skryf die volgende sinne oor in die passief: (4)
1.3.1 As dit by droom kom, kan jy maar groot dink.
1.3.2 Deel dan elk van die vyf stappe vir jou droom weer in vyf kleiner stappies op.
1.4 Bestudeer die volgende sin waarin daar ’n verbinder is wat ’n verhouding tussen die
sinsdele skep:
Jy moet aksie neem, omdat dit al manier is om jou drome te bewaarheid.
1.4.1 Wat is die verbinder in bostaande sin? Skryf slegs die verbinder neer. (2)
1.4.2 Wat is die verhouding tussen die sinsdele? (2)
11
The benefits of buying summaries with Stuvia:
Guaranteed quality through customer reviews
Stuvia customers have reviewed more than 700,000 summaries. This how you know that you are buying the best documents.
Quick and easy check-out
You can quickly pay through EFT, credit card or Stuvia-credit for the summaries. There is no membership needed.
Focus on what matters
Your fellow students write the study notes themselves, which is why the documents are always reliable and up-to-date. This ensures you quickly get to the core!
Frequently asked questions
What do I get when I buy this document?
You get a PDF, available immediately after your purchase. The purchased document is accessible anytime, anywhere and indefinitely through your profile.
Satisfaction guarantee: how does it work?
Our satisfaction guarantee ensures that you always find a study document that suits you well. You fill out a form, and our customer service team takes care of the rest.
Who am I buying this summary from?
Stuvia is a marketplace, so you are not buying this document from us, but from seller luandrimyburgh. Stuvia facilitates payment to the seller.
Will I be stuck with a subscription?
No, you only buy this summary for R55,00. You're not tied to anything after your purchase.
Can Stuvia be trusted?
4.6 stars on Google & Trustpilot (+1000 reviews)
53022 documents were sold in the last 30 days
Founded in 2010, the go-to place to buy summaries for 14 years now